Тоҷ  |  Рус  |  Eng

Хабарҳо

Протоколи ҷаласаи ҳафтуми Кумитаи ҳамоҳангсоз оид ба соддагардонии  расмиёти савдо (КҲСРС)
Протоколи ҷаласаи ҳафтуми Кумитаи ҳамоҳангсоз оид ба соддагардонии расмиёти савдо (КҲСРС)

ш. Душанбе                           №7                              29 майи соли 2019

Раисикунанда: Вазири рушди иқтисод ва савдо - Н. Ҳикматуллозода  

Дар ҷаласа аъзои Кумита, ки бо қарори Ҳукумати Ҷумҳурии Тоҷикистон аз 24 декабри соли 2016, №529 тасдиқ гардидааст, иштирок намуданд.   

Инчунин дар кори ҷаласа намояндагони ташкилотҳои хориҷӣ ва шарикони рушд, аз ҷумла Маркази байналмилалии савдо, Барномаи рушди СММ, Дафтари ҳамкориҳои иқтисодии Швейтсария, Созмони амният ва ҳамкорӣ дар Аврупо ва намояндагони Корпоратсияи байналмилалии молиявӣ иштирок варзиданд.  

Тибқи рӯзномаи ҷаласа 3 масъалаи асосӣ баррасӣ гардид, аз ҷумла:

 1. Ҳисоботи котиби масъули КҲСРС вобаста ба корҳои анҷомдодашуда дар соли 2018;

 2. Мушкилоти бахши хусусӣ ва имтиёзҳои пешниҳодгардида барои воридот ва содироти маҳсулоти нассоҷӣ, кешбофӣ ва дӯзандагӣ;

 3. Эътирофи сертификатҳои Ҷумҳурии Тоҷикистон дар ҳудуди дигар кишварҳо ва кам кардани номгӯи маҳсулоте, ки ҳатман сертификатсия карда мешаванд.

Вазири рушди иқтисод ва савдо - Раиси Кумитаи ҳамоҳангсоз оид ба соддагардонии расмиёти савдо Н. Ҳикматуллозода ҷаласаро оғоз намуда, ба ҳозирин барои иштирок дар ҷаласаи ҳафтуми Кумита изҳори сипос намуд.

Раиси Кумита қайд намуд, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёмҳои солонаи худ ба Маҷлиси Олии Ҷумҳурии Тоҷикистон ва ҷаласаҳои Ҳукумати ҷумҳурӣ оид ба ҳалли масъалаи таъмини шароити мусоид барои рушди савдои дохилию хориҷӣ ва дар ин замина андешидани чораҳои зарурӣ ҷиҳати кам кардани монеаҳо дар савдо ва хизматрасониҳо ба мақомоти дахлдор дастурҳои мушаххас додаанд.

Чунончӣ рӯзи 10 майи соли 2019 дар мулоқоти Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо кормандони соҳаҳои молия, бонкдорӣ, андоз, гумрук ва сармоягузорӣ фаъолияти мақомоти мазкур мавриди таҳлили ҳаматарафа қарор гардид ва барои ислоҳи камбудиҳои ҷойдошта супоришҳои дахлдор дода шуд. Вазифаи Кумита ҳам дар он аст, ки барои амалӣ шудани дастуру супоришҳо вобаста ба дастгирии соҳибкорон ва фароҳам овардани шароити мусоид ва шаффофи хизматрасонӣ аз тарафи ниҳодҳои давлатӣ мусоидат намояд. Аз ҷумла таҳияи Кодекси андоз дар таҳрири нав ба ҳамин мақсадҳо супориш дода шудааст.

Дар ҷаласа Котиби масъули Кумита, Абдураҳмонов Абдураҳмон доир ба рафти иҷрои супоришҳои протоколии ҷаласаҳои қаблӣ ҳисобот пешниҳод намуда, қайд кард, ки дар соли 2018 3 ҷаласаи расмии Кумита баргузор гардида, ба аъзои он супоришҳои дахлдор дода шудаанд, аз ҷумла иҷрои бандҳои дахлдори Харитаи роҳи Куматаи ҳамоҳангсоз, ҷойгиркунонии уҳдадориҳои Ҷумҳурии Тоҷикистон дар доираи Созишномаи СУС оид ба соддагардонии расмиёти савдо ба категорияҳои А, В ва С, фаъол гардонидани Портали савдои Тоҷикистон, иҷрои бандҳои дахлдори Нақшаи чорабиниҳо вобаста ба мутобиқсозии қонунгузории Ҷумҳурии Тоҷикистон ба муқаррароти Созишномаи СУС оид ба соддагардонии расмиёти савдо, таҳия ва тасдиқи Барномаи рушди хизматрасониҳои нақлиётӣ, инчунин интихоби ҳайати нави аъзои намояндагони Кумита аз ҳисоби корхонаву ташкилотҳо ва иттиҳодияҳои ҷамъиятии Тоҷикистон.

Раис ва аъзои Кумита интихоби хайати нави Кумитаро дастгирӣ намуда, Иттифоқи рушди бахши хусусии Тоҷикистон (ИРБХТ) ва Иттифоқи мушовирони касбии Тоҷикистонро ба аъзогии Кумита қабул намуданд.

Вобаста ба масъалаи дуюми ҷаласа Муҳаммадиев Абдулло - Сардори Раёсати корхонаҳои нассоҷӣ ва дӯзандагии Иттифоқи рушди бахши хусусии Тоҷикистон (ИРБХТ) оид ба мушкилоти соҳа маълумот дод. Қайд намуд, ки воридоти маҳсулоти пастсифат ба бозори дохилии  кишвар (бе сертификати сифат, кишвари истеҳсолкунандаи мол, инвойс, воҳиди ченак ва ҳуҷҷатҳои гумрукӣ) ва баъзе ҳолатҳои воридоти ғайрирасмии маҳсулоти нассоҷӣ  боиси рақобати носолим дар бозорҳои дохилии кишвар гардида, ба истеҳсолкунандагони ватанӣ монеа эҷод мекунанд.         

Раиси Кумита илова намуд, ки дар мулоқоти рӯзи 10 майи соли ҷорӣ Роҳбари давлат ба мақомотҳои дахлдори дар сарҳад фаъолияткунанда ҷиҳати бартараф намудани мушкилот дар самти барасмиятдарории гумрукӣ, ҳамлу нақл ва омори дурусти содироту воридоти молу маҳсулот супоришҳои дахлдор доданд.

Илова бар ин, аз ҷониби Сардори шуъбаи рушди маъмурикунонии андози Кумитаи андози назди Ҳукумати Ҷумҳурии Тоҷикистон рӯнамо оид ба имтиёзҳои пешниҳодгардида ба соҳаи нассоҷӣ ва самаранокии онҳо манзур гардид.

Раиси Кумита қайд намуд, ки айни замон аз тарафи вазорату идораҳои дахлдори Ҷумҳурии Тоҷикистон тартиби озод намудан аз андози аз арзиши иловашуда ва боҷи гумрукии ашёи хом, ки дар Ҷумҳурии Тоҷикистон истеҳсол намешаванд таҳия шудааст ва мавриди амал қарор гирифтани он мушкилоти соҳаи нассоҷӣ, кешбофӣ ва дӯзандагиро ҷаҳати таъмин бо ашёи хом осон мегардонад.

Инчунин намояндаи ИРБХТ пешниҳод намуд, ки ҷиҳати дастгирии минбаъдаи соҳаи мазкур ба мақсад мувофиқ мебошад, ки Фонди дастгирии рушди соҳаи нассоҷӣ дар назди Ҳукумати ҷумҳурӣ таъсис дода шавад.

Дар идомаи ҷаласа аз ҷониби намояндаи ҶДММ “Лесинвест” вобаста ба мушкилоти ворид намудани нушокиҳои энергетикии “РЕД БУЛЛ” рӯнамо пешниҳод гардид.

Иттилоъ дода шуд, ки ҶДММ “Лесинвест” ягона ширкате ба ҳисоб меравад, ки ба кишвар нушокиҳои энергетикии “РЕД БУЛЛ”-ро ворид менамояд. Айни замон ширкат бо мушкилоти зиёде дучор шудааст, аз ҷумла воридоти ғайрирасмии нушокиҳои энергетикии “РЕД БУЛЛ” ва баланд шудани боҷи гумрукии воридотӣ. Тибқи маълумоти пешниҳодгардида ширкати ҶДММ “Лесинвест” қаблан 0,07 евро боҷи гумрукии воридотӣ барои 1 литр нушокиҳои энергетикии “РЕД БУЛЛ” пардохт менамуд, ҳоло бошад тибқи қарори Ҳукумати Ҷумҳурии Тоҷикистон аз 8 августи соли 2018, №399 “Дар бораи меъёрҳои боҷҳои гумрукии воридотӣ” 20%, вале на камтар аз 0,12 евро барои 1 литр муқаррар гардидааст.

Раиси Кумита вобаста ба масъалаи баррасишаванда, бахусус ҷилавгирӣ намудан аз воридоти ғайрирасмии молҳо тариқи сарҳади гумрукии кишвар ба мақомотҳои дахлдор супоришҳои дахлдор доданд, аз ҷумла дастур шуд, ки масъалаи ҶДММ “Лесинвест” дар Гурӯҳи кории доимоамалкунандаи коршиносон оид ба такмили фишангҳои тарифию ғайритарифии савдои хориҷӣ ҷиҳати дастгирии молистеҳсолкунандагони ватанӣ ва рушди содирот ҳаматарафа баррасӣ гардад.

Намояндаи Хадамоти гумрук омодагии худро барои баррасии мушкилоти ширкати мазкур дар доираи талаботи қонунгузории амалкунандаи кишвар иброз намуд.

Дар идомаи чорабинӣ аз ҷониби намояндагони Агентии “Тоҷикстандарт” ва Кумитаи бехатарии озуқаворӣ гузоришҳо вобаста ба эътирофи сертификатҳои Ҷумҳурии Тоҷикистон дар ҳудуди дигар кишварҳо шунида шуд.

Намояндаи Агентии “Тоҷикстандарт” қайд намуд, ки масъалаи эътирофи сертификатҳои ҷумҳурӣ дар дигар кишварҳо дар асоси созишномаҳои байниҳукуматӣ, аз ҷумла Созишномаи Иттиҳоди Давлатҳои Мустақил (ИДМ) аз 13 марти соли 1992 “Дар бораи пешбурди сиёсати ҳамоҳангшуда оид ба стандартизатсия, метрология ва сертификатсияи мутобиқат” амалӣ карда мешавад. Инчунин гузориш оид ба кам кардани номгӯи маҳсулоте, ки ҳатман сертифакатсия карда мешаванд шунида шуд.

Раиси Кумита қайд намуд, ки дар Ҷумҳурии Тоҷикистон зиёда аз 2500 номгӯи маҳсулоти ҳатман сертификатсияшаванда мебошад, ки ин нишондиҳанда нисбат ба дигар кишварҳо тақрибан ду маротиба зиёд аст.    

Дар идома Раиси Кумита қайд намуд, ки бо мақсади иҷрои талаботи Қонуни Ҷумҳурии Тоҷикистон “Дар бораи фаъолияти савдои хориҷӣ” ва банди 2 қисми 1 Нақшаи чорабиниҳои қарори Ҳукумати Ҷумҳурии Тоҷикистон аз 31 октябри соли 2014, №691 “Дар бораи Барномаи мутобиқгардонии иқтисодиёти Ҷумҳурии Тоҷикистон бинобар узвият дар Созмони умумиҷаҳонии савдо (СУС)” санади меъёрии ҳуқуқӣ дар бораи татбиқи чораҳои махсуси муҳофизатӣ, зиддидемпингӣ ва ҷубронӣ нисбат ба давлатҳои сеюм бояд таҳия карда шавад. Аз ин лиҳоз пешниҳод гардид, ки оид ба таҳияи санади меъёрии ҳуқуқии мазкур дар назди Вазорати рушди иқтисод ва савдо бо иштироки шахсони масъул аз вазорату идораҳои дахлдор Гурӯҳи кории байниидоравӣ таъсис дода шавад.  

Ҷиҳати содда намудани расмиёти воридотию содиротии молу маҳсулот Гурӯҳи кории байниидоравӣ бо ҷалби мутахассисон аз вазорату идораҳои дахлдор оид ба такмили Портали савдои Тоҷикистон, ки моҳи апрели соли ҷорӣ расман ифтитоҳ гардида буд, таъсис дода шавад.

Дар идома Роҳбари Дафтари ҳамкориҳои иқтисодии Швейтсария дар Душанбе қайд намуд, ки барои рушди соҳаи нассоҷӣ дар кишвар имкониятҳо зиёд аст ва дар сурати пешниҳод гардидани лоиҳаи мушаххас Дафтари ҳамкориҳои иқтисодии Швейтсария омодааст дар ин самт ҳамкорӣ намояд.

Инчунин намояндаи Корпоратсияи байналмиллалии молиявӣ баромад намуда гуфт, ки айни замон барои дастгирии молистеҳсолкунандагон ва содиркунандагон лоиҳаи нав омода шуда истодааст ва ин имкон медиҳад, ки сарчашмаҳои маблағгузорӣ фароҳам оварда шавад.

Роҳбари Ассотсиатсияи брокерони гумрукии Ҷумҳурии Тоҷикистон Маҳмудова Фирӯза баромад намуда, оид ба мушкилоте, ки субъектҳои фаъолияти иқтисоди хориҷӣ дар ҳолати интиқоли мол дучор мегарданд, иброз  намуд. Дархост намуд, ки дар раванди таҳияи лоиҳаи Кодекси андоз намояндагони бахши хусусӣ низ ҷалб карда шаванд.

Дар раванди баррасии масъалаҳои пешниҳодшуда аъзои Кумита ва иштирокчиён таклифу пешниҳодҳои худро манзур намуданд, аз ҷумла Раиси Кумита, Муовини якуми Вазири рушди иқтисод ва савдо ва дигар аъзо ва шарикони рушд фикру ақидаҳои худро оид ба масъалаҳои баррасигардида, инчунин роҳҳои ҳалли мушкилоти ҷойдошта иброз намуданд.

Аз натиҷаи масъалаҳои дар ҷаласа баррасишуда қарорҳои зерин қабул гардиданд:

1. Мониторинги иҷрои супоришҳои протоколии Кумита таҳти назорати доимии котибот қарор дода шуда, назорати он мунтазам ба роҳ монда шавад;

2. Хадамоти гумрук дар нимсолаи дуюми соли 2019 лоиҳаи Қонуни Ҷумҳурии Тоҷикистон “Дар бораи ворид намудани тағйиру иловаҳо ба Кодекси гумруки Ҷумҳурии Тоҷикистон”-ро бо вазорату идораҳои дахлдор мувофиқа намуда, ба баррасии Ҳукумати Ҷумҳурии Тоҷикистон пешниҳод намояд;

3. Хадамоти гумрук ва Вазорати нақлиёт барасмиятдарории гумрукии воридкунандагонро тибқи таъиноти мол ва дар кадом терминал воридкунанда мехоҳад барасмият дарорад анҷом дода, вобаста ба мушкилоти соҳа ба Котиботи Кумита маълумот пешниҳод карда шавад;

4. Вазорати нақлиёт Барномаи рушди хизматрасониҳои нақлиётиро дар мӯҳлати кӯтоҳтарин баъд аз мувофиқа бо вазорату идораҳои дахлдор ба баррасии Ҳукумати Ҷумҳурии Тоҷикистон пешниҳод намояд;

5. Ба Гурӯҳи доимоамалкунандаи коршиносон оид ба такмили фишангҳои тарифию ғайритарифии савдои хориҷӣ супориш дода мешавад, ки ҷаласаи навбатӣ гузаронида, масъалаи ҶДММ “Лесинвест”-ро мавриди баррасӣ қарор дода, аз натиҷаи он маълумот пешниҳод намояд;

6. Кумитаи бехатарии озуқаворӣ ва Агентии “Тоҷикстандарт” эътирофи сертификатҳои ҷумҳуриро дар дигар кишварҳо дар асоси созишномаҳои басташудаи байниҳукуматӣ таҳти назорат қарор дода, рафти иҷрои онҳоро таҳлил намуда, ба Котиботи Кумита маълумот пешниҳод намоянд;

7. Агентии “Тоҷикстандарт” дар муҳлати 3 моҳ лоиҳаи қарори Ҳукумати Ҷумҳурии Тоҷикистонро “Оид ба ворид намудани тағйиру иловаҳо ба қарори Ҳукумати Ҷумҳурии Тоҷикистон аз 18 июни соли 2012, №310 “Дар бораи Номгӯи мол (кор, хизматрасониҳо), ки бояд ҳатман сертификатсия карда шаванд” таҳия карда, бо вазорату идораҳои дахлдор мувофиқа намуда, ба Ҳукумати Ҷумҳурии Тоҷикистон барои баррасӣ пешниҳод намояд;

8.  Аз ҷониби Ассотсиатсияи брокерони гумрукии Ҷумҳурии Тоҷикистон ба Вазорати молия мактуб ҷиҳати шомил намудани бахши хусусӣ дар таҳияи лоиҳаи Кодекси андоз дар таҳрири нав пешниҳод карда шавад;

9.  Дар назди КҲСРС Гурӯҳи кории байниидоравӣ бо ҷалби мутахассисон аз вазорату идораҳои дахлдор оид ба баррасии мушкилоти соҳаи нассоҷӣ, кешбофӣ ва дӯзандагӣ таъсис дода шавад:

10.  Бо мақсади иҷрои талаботи Қонуни Ҷумҳурии Тоҷикистон “Дар бораи фаъолияти савдои хориҷӣ” ва банди 2 қисми 1 Нақшаи чорабиниҳои қарори Ҳукумати Ҷумҳурии Тоҷикистон аз 31 октябри соли 2014, №691 “Дар бораи Барномаи мутобиқгардонии иқтисодиёти Ҷумҳурии Тоҷикистон бинобар узвият дар Созмони умумиҷаҳонии савдо (СУС)”. Гурӯҳи кории байниидоравӣ оид ба таҳия намудани санади меъёрии ҳуқуқӣ дар бораи татбиқи чораҳои махсуси муҳофизатӣ, зиддидемпингӣ ва ҷубронӣ нисбат ба давлатҳои сеюм таъсис дода шавад;

11. Ҷиҳати содда намудани расмиёти воридотию содиротии молу маҳсулот Гурӯҳи кории байниидоравӣ бо ҷалби мутахассисон аз вазорату идораҳои дахлдор оид ба такмили Портали савдои Тоҷикистон таъсис дода шавад;

12. Протоколи ҷаласа ба аъзои Кумита, вазорату идораҳои дахлдор ва бахши хусусӣ барои баррасӣ ва иҷрои супоришҳои қарорҳои қабулгардида пешниҳод карда шавад. 

ҶАЛАСАИ ҲАФТУМИ КУМИТАИ ҲАМОҲАНГСОЗ ОИД БА СОДДАГАРДОНИИ РАСМИЁТИ САВДО
ҶАЛАСАИ ҲАФТУМИ КУМИТАИ ҲАМОҲАНГСОЗ ОИД БА СОДДАГАРДОНИИ РАСМИЁТИ САВДО

Рӯзи 29 майи соли 2019 дар Вазорати рушди иқтисод ва савдо ҷаласаи ҳафтуми Кумитаи ҳамоҳангсоз оид ба соддагардонии расмиёти савдо (КҲСРС) бо иштироки намояндагони вазорату идораҳо, бахши хусусӣ ва шарикони рушд баргузор гардид.

Ҷаласаро Раиси Кумита – Вазири рушди иқтисод ва савдо муҳтарам Неъматулло Ҳикматуллозода раисӣ намуда, иброз дошт, ки мақсади асосии таъсиси КҲСРС ҳалли мушкилоти бахши хусусӣ ба ҳисоб рафта, муҳокима ва ҳалли масъалаҳои баррасишаванда бевосита ба татбиқи ҳуҷҷатҳои стратегӣ ва рушди босуботи иқтисодии кишвар мусоидат менамояд. 

Дар ҷаласаи мазкур ҷиҳати иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба ҳалли мушкилоти соҳаи нассоҷӣ, кешбофӣ ва дӯзандагӣ, инчунин имтиёзҳои пешниҳодгардида барои содирот ва воридоти маҳсулоти соҳаҳои номбурда аз ҷониби Кумитаи андоз, эътирофи сертификатҳои Ҷумҳурии Тоҷикистон дар ҳудуди дигар кишварҳо, мушкилоти воридкунандагон ва мониторинги иҷрои супоришҳои протоколии КҲСРС дар соли 2018 мавриди баррасӣ қарор гирифтанд. Ҳамзамон ҳайати нави аъзои КҲСРС, ки аз намояндагони корхонаву ташкилотҳо ва иттиҳодияҳои ҷамъиятии Тоҷикистон созмон дода шудааст, муаррифӣ гардид.

Дар кори ҷаласа муколамаи озод байни намояндагони мақомоти давлатӣ ва бахши хусусӣ сурат гирифт. Пешниҳодҳои намояндагони бахши хусусӣ барои баррасӣ ба мақомоти давлатӣ пешниҳод карда шуданд.

Аз натиҷаи ҷаласа, супоришҳои дахлдор вобаста ба ҳалли мушкилоти ҷойдошта бо протоколи ҷаласаи КҲСРС барои баррасӣ ва иҷро ба мақомоти марбут ирсол гардид.

         

Иштироки њайати расмии Љумњурии Тољикистон дар тафсири сиёсати савдои кишвари Тринидад ва Тобаго
Иштироки њайати расмии Љумњурии Тољикистон дар тафсири сиёсати савдои кишвари Тринидад ва Тобаго

Рӯзи 22 майи соли 2019 дар шаҳри Женеваи Конфедератсияи Швейтсария дар бинои Созмони Умумиљањонии Савдо (СУС) тафсири сиёсати савдои кишвари Тринидад ваТобаго баргузор гардид, ки дар он ҳайати расмии Ҷумҳурии Тоҷикистон бо роҳбарии Муовини якуми Вазири рушди иқтисод ва савдо Завқизода Завқӣ Амин  иштирок карда, мавќеи Љумњурии Тољикистонро муаррифї намуданд.

Маќсади асосии иштироки њайати Љумњурии Тољикистон дар тафсири сиёсати савдои кишвари Тринидад ва Тобаго, ин шиносої ба рафт ва тартиби баргузории чорабинї, табодули таљриба ва гузаронидани мулоќоту машваратњо бо масъулини созмон дар робита ба баргузории якумин тафсири сиёсати савдои Љумњурии Тољикистон дар назди СУС мебошад.

Ќайд бояд кард, ки дар асоси супориши Асосгузори сулњу вањдати миллї – Пешвои миллат, Президенти Љумњурии Тољикистон муњтарам Эмомалї Рањмон баргузории якумин тафсири сиёсати савдои Љумњурии Тољикистон дар назди СУС моњи апрели соли 2020 ба наќша гирифта шуда, дар робита ба он аз љониби Њукумати љумњурї љињати дар сатњи назаррас гузаронидани чорабинии ќайдгардида наќшаи корї тасдиќ гардидааст.

Бинобар ин иштироки њайати расмии кишвар дар тафсири сиёсати савдои Тринидад ва Тобаго љињати дар сатњи зарурї омода намудани њисоботи тафсири сиёсати савдои Љумњурии Тољикистон дар назди СУС муфид арзёбї гардид.

 

 

 

 

 

 

Мулоқоти Муовини якуми Вазири рушди иқтисод ва савдо бо Директори Маркази байналмилалии тиҷорат
Мулоқоти Муовини якуми Вазири рушди иқтисод ва савдо бо Директори Маркази байналмилалии тиҷорат
Рӯзи 21 майи соли 2019 дар шаҳри Женеваи Конфедератсияи Швейтсария мулоқоти ҳайати расмии Ҷумҳурии Тоҷикистон бо роҳбарии Муовини якуми Вазири рушди иқтисод ва савдо Завқизода Завқӣ Амин ва иштироки Муовини якуми Сардори Хадамоти гумрук Турсунзода Азим Ҳайдар ва сармутахассиси Раёсати банақшагирӣ ва ислоҳоти Дастгоҳи иҷроияи Президенти Ҷумҳурии Тоҷикистон Мирзоев Умед бо Директори Маркази байналмилалии тиҷорат (МБС) Аранча Гонзалез баргузор гардид, ки дар доираи он масъалаҳои таҳкими ҳамкориҳои дуҷониба ва бисёрҷонибаи тарафҳо мавриди баррасӣ қарор дода шуданд.
Завқизода З. А. аз ҳамкориҳои судманд бо ҷониби МБС изҳори қаноатмандӣ намуда, дастовардҳои Ҷумҳурии Тоҷикистонро дар доираи иҷрои ҳадафу афзалиятҳои ҳуҷҷатҳои стратегии кишвар, махсусан дар самтҳои иштироки кишвар дар Созмони Умумиҷаҳонии Савдо, тақвияти рушди содирот, тезонидани ҷараёни диверсификатсияи истеҳсолоти ба содирот нигаронидашуда ва соддагардонии расмиёти савдо муаррифӣ намуд.
Зикр гардид, ки дар натиҷаи тадбирҳои андешидашуда ҳисаи содирот дар гардиши савдои хориҷӣ аз 20 фоизи соли 2015 ба 25,3 фоиз дар соли 2018 ва шумораи шарикони тиҷоратӣ аз 90 то 110 кишвар зиёд гардида, диверсификатсияи содирот аз 150 то тахминан 480 номгӯи молҳо беҳтар карда шуд.
Ҷониби МБС аз дастовардҳои ҶТ дар самти соддагардонии расмиёти савдо ва иштироки фаъолона дар фаъолияти СУС изҳори қаноатмандӣ намуда, дар ҷавоб ба дархости ҷониби Тоҷикистон омодагии худро барои зиёд намудани кӯмаку дастгириҳои ин созмон ба Ҷумҳурии Тоҷикистон дар ин самтҳо иброз намуд.
ИФТИТОҲИ РАСМИИ  ПОРТАЛИ САВДОИ ТОҶИКИСТОН
ИФТИТОҲИ РАСМИИ ПОРТАЛИ САВДОИ ТОҶИКИСТОН

26 апрели соли 2019 аз ҷониби Вазорати рушди иқтисод ва савдои Ҷумҳурии Тоҷикистон ифтитоҳи расмии Портали савдои Тоҷикистон, ки аз ҷониби Вазорати рушди иқтисод ва савдо ва Маркази Тиҷорати Байналмилалӣ, бо кӯмаки молиявии Ҳукумати Конфедератсияи Швейтсария ва дигар шарикони рушд, аз ҷумла Барномаи Рушди СММ ва Созмони Амният ва Ҳамкорӣ дар Аврупо таҳия гардида, дар меҳмонхонаи “HYATT Regency” бо иштироки намояндагони вазорату идораҳо, ташкилотҳои тиҷоратӣ, иттиҳодияҳои ҷамъиятӣ, ташкилотҳои байналмилалии молиявӣ ва шарикони рушд, инчунин намояндагони Корпуси дипломатии кишварҳои хориҷӣ дар шаҳри Душанбе баргузор гардид.

Чорабиниро Муовини якуми Вазири рушди иқтисод ва савдо Завқизода Завқӣ Амин ифтитоҳ намуда, қайд кард, ки Портали савдои Тоҷикистон бо мақсади иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба тақвияти иқтидори содирот ва соддагардонии расмиёти савдо таъсис дода шудааст.

Зикр гардид, ки Портали савдои Тоҷикистон таҷрибаи нахустин дар фаъолияти савдои хориҷии кишвар буда, ба соҳибкорони ватанию хориҷӣ ва дигар тарафҳои ҳавасманд имконияти гирифтани маълумотро вобаста ба расмиёти воридотӣ, содиротӣ ва транзитии 39 гурўњи молї баробар ба тахминан 1500 молу мањсулот фароҳам меоварад.

Дар рафти чорабинии мазкур видеоролик ва рӯнамои Портали савдои Тоҷикистон ба иштирокчиён муаррифӣ гардида, Завқизода З. А. ва намояндагони шарикони рушд дар Ҷумҳурии Тоҷикистон, аз ҷумла Дафтари барномаҳои ҳамкории Швейтсария дар Тоҷикистон/SECO, Маркази Тиҷорати Байналмилалӣ, Созмони Амният ва Ҳамкорӣ дар Аврупо ва Барномаи Рушди СММ дар панели сатҳи баланд дар мавзӯи “Рақамкунонӣ ва соддагардонии расмиёти савдо бо ҳадафи пешбурди самараноки тиҷорат” иштирок ва муҳокимаронӣ намуданд.

Дар охири чорабинӣ Муовини якуми Вазири рушди иқтисод ва савдо бо пахши тугмача Портали савдои Тоҷикистонро расман ифтитоҳ намуда, дастрасии истифодабарии онро ба ҳама эълон намуд. 

Дар Душанбе семинар – машварат оид ба якумин Тафсири сиёсати савдои Ҷумҳурии Тоҷикистон дар назди Созмони Умумиљањонии Савдо (СУС) баргузор гардид
Дар Душанбе семинар – машварат оид ба якумин Тафсири сиёсати савдои Ҷумҳурии Тоҷикистон дар назди Созмони Умумиљањонии Савдо (СУС) баргузор гардид

Санаҳои 15-17 апрели соли равон дар Вазорати рушди иқтисод ва савдо семинар – машварат дар робита ба омода намудани лоиҳаи ҳисоботи якумин Тафсири сиёсати савдои Ҷумҳурии Тоҷикистон бинобар узвият дар Созмони Умумиҷаҳонии Савдо (СУС), ки баргузории он тибқи розигии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон моҳи апрели соли 2020 дар назар аст, гузаронида шуд.

Дар кори чорабинии қайдгардида Директори Шӯъбаи Тафсири сиёсати савдои СУС Вилли Алфаро,  мушовирон аз ин Шӯъба ва намояндагони вазорату идораҳои дахлдори ҷумҳурӣ иштирок намуданд.

Бо мақсади дар сатҳи баланд гузаронидани якумин Тафсири сиёсати савдои Ҷумҳурии Тоҷикистон бинобар узвият дар СУС дар рафти семинар – маршварат аз ҷониби ҳайати коршиносони Котиботи СУС вобаста ба шакл ва раванди баргузории Тафсири сиёсати савдо аз ҷониби кишварҳои аъзои СУС рӯнамоҳо пешниҳод гардида, инчунин аз тарафи намояндагони мақомоти давлатӣ низ дар робита ба дастовардҳои ноилгардида ва рушди соҳаҳои алоҳидаи фаъолияти савдои кишвар пас аз узвият дар СУС маърӯзаҳо пешкаш карда шуданд.

Қобили қайд аст, ки Тафсири сиёсати савдо тибқи талаботи принсипҳои СУС аз ҷониби кишваврҳои аъзо дар 7 сол як маротиба гузаронида шуда, дар доираи он ҳисобот оид ба корҳои ба сомон расонидашуда, дастовардҳо ва пешравиҳои давлатҳо дар давраи 7 сол баъд аз узвият пешниҳод ва баррасӣ карда мешаванд. 

 

Душанбе мизбони конфронси минтақавӣ оид ба ишораи мавзеи истеҳсоли молу маҳсулот.

Рӯзҳои 10 ва 11 апрели соли 2019 дар шаҳри Душанбе бо ташаббуси Вазорати рушди иқтисод ва савдо ва дастгирии Намояндагии Иттиҳоди Аврупо дар Тоҷикистон  конфронси минтақавӣ дар мавзӯи “Ишораи мавзеи ҷуғрофии истеҳсоли маҳсулот дар кишварҳои Осиёи Марказӣ” баргузор гардид.

Чорабиниро муовини Вазири рушди иқтисод ва савдо Ҷӯразода Тоҷиддин ва Сафири Иттиҳоди Аврупо дар Ҷумҳурии Тоҷикистон хонум Мерилин Ёсефсон ифтитоҳ намуда, дар рафти он  зиёда аз 100 нафар намояндагони кишварҳои Қазоқистон, Қирғизистон, Озарбойҷон, Туркманистон, Тоҷикистон ва Ӯзбекистон, инчунин намояндагони Корпуси дипломатии муқими шаҳри Душанбе иштирок ва суханронӣ намуданд.

Ҳамчунин намояндагони бахшҳои хусусию давлатӣ аз Ҷумҳурии Тоҷикистон, аз ҷумла ассотсиатсияи фермерон ва ҳунармандон, ташкилотҳои миёнарави минтақавӣ ва донорҳои байналхалқӣ ширкат варзиданд.

Қайд бояд кард, ки чунин конфронс дар робита ба масъалаҳои ишораи мавзеи ҷуғрофии истеҳсоли маҳсулот бори аввал аст, ки дар Осиёи марказӣ  гузаронида мешавад.

Ҳадафи конфронс амалан нишон додани роҳҳои таҳияи тартиби ишораи мавзеи ҷуғрофии молҳо дар Осиёи Марказӣ истеҳсолшаванда бо мақсади мусоидат ба таҳкими ҳамкории тиҷорат минтақавӣ ва содда гардонидани расмиёти савдо, инчунин рушди иқтидори содиротӣ дар минтақа арзёбӣ мегардад.

 Баргузории ин чорабинӣ ба рақобатпазир намудани молу маҳсулоти кишварҳо кӯмак расонида, ҳамзамон ба раванди ҳамроҳшавии Ҷумҳурии Тоҷикистон ба Низоми умумии бархурдории тиҷорати Иттиҳоди Аврупо (GSP+)  мусоидат менамояд.

Созмони умумиҷаҳонии савдо (СУС) дар якҷоягӣ бо мақомоти Созмони Милали Муттаҳид оид ба рушди соҳаи савдо ва Ассамблеяи генералӣ (UNCTAD) роҳнамои нав барои таҳлили сиёсати савдо чоп карданд.
Созмони умумиҷаҳонии савдо (СУС) дар якҷоягӣ бо мақомоти Созмони Милали Муттаҳид оид ба рушди соҳаи савдо ва Ассамблеяи генералӣ (UNCTAD) роҳнамои нав барои таҳлили сиёсати савдо чоп карданд.
Новости 1 - 20 из 38
Начало | Пред. | 1 2 | След. | Конец